ਜਦੋ ਬਰਗਰ’ ਚੋਂ ਕੈਚੱਪ ਦੀ ਬਜਾਏ ਨਿਕਲਿਆ “ ਖੂਨ”

ਅੰਮ੍ਰਿਤਸਰ ਟਾਈਮਜ਼ ਬਿਊਰੋ 

ਨਿਊਯਾਰਕ, 31 ਜੁਲਾਈ (ਰਾਜ ਗੋਗਨਾ)- ਅਮਰੀਕਾ ਦਾ ਇਕ ਹੈਰਾਨ ਕਰ ਦੇਣ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ। ਇੱਥੇ ਨਿਊਯਾਰਕ 'ਚ ਰਹਿਣ ਵਾਲੀ ਇਕ ਟਿਫਨੀ ਫਲਾਇਡ ਨਾਂ ਦੀ ਔਰਤ ਨੇ ਆਪਣੀ 4 ਸਾਲਾ ਬੇਟੀ ਲਈ ਬਰਗਰ ਕਿੰਗ ਤੋਂ ਬਰਗਰ ਆਰਡਰ ਕੀਤਾ ਸੀ। ਜਦੋਂ ਉਸ ਕੋਲ ਬਰਗਰ ਦਾ ਪਾਰਸਲ ਆਇਆ ਤਾਂ ਉਸ ਦੀ ਧੀ ਤੁਰੰਤ ਉਸ ਨੂੰ ਖਾਣ ਲਈ ਕਾਹਲੀ ਪੈ ਗਈ। ਪਰ ਪਾਰਸਲ ਖੋਲ੍ਹਦੇ ਹੋਏ ਉਸ ਨੇ ਕਿਹਾ, ''ਮੰਮੀ, ਮੈਨੂੰ ਇਸ ਵਿੱਚ ਟਮਾਟਰ ਕੈਚੱਪ ਨਹੀਂ ਚਾਹੀਦੀ। ਅਜੇ ਔਰਤ ਨੇ ਆਪਣੇ ਬਰਗਰ 'ਤੇ ਥੋੜ੍ਹਾ ਜਿਹਾ ਕੈਚੱਪ ਪਾਇਆ ਸੀ।

ਜਦੋਂ ਉਸ ਨੇ ਆਪਣੀ ਬੇਟੀ ਕੋਲ ਆ ਕੇ ਬਰਗਰ ਦੇਖਿਆ ਤਾਂ ਉਹ ਦੰਗ ਰਹਿ ਗਈ। ਇਹ ਕੈਚੱਪ ਨਹੀਂ ਸੀ, ਕਿਸੇ ਦਾ ਖੂਨ ਸੀ। ਬੇਟੀ ਲਈ 'ਖੁਸ਼ੀ ਲਈ ਭੋਜਨ' ਦਾ ਪ੍ਰਬੰਧ ਕੀਤਾ ਗਿਆ ਸੀ, ਜਿਸ ਵਿੱਚ ਫਰੈੱਚ ਫਰਾਈਜ਼ ਵੀ ਸੀ। ਪਰ ਚਟਨੀ ਦੀ ਥਾਂ ਖ਼ੂਨ ਕਿਵੇਂ ਆਇਆ? ਉਸ ਨੇ ਤੁਰੰਤ ਕੰਪਨੀ ਨੂੰ ਫੋਨ ਕੀਤਾ ਅਤੇ ਜਵਾਬ ਮਿਲਿਆ ਕਿ ਸੇਵਾ ਕਰ ਰਹੇ ਕਰਮਚਾਰੀ ਦੇ ਹੱਥ 'ਤੇ ਸੱਟ ਲੱਗੀ ਹੈ ਅਤੇ ਖੂਨ ਫੈਲ ਗਿਆ ਹੋ ਸਕਦਾ ਹੈ। ਕੰਪਨੀ ਨੇ ਤੁਰੰਤ ਹੀ ਟਿਫਨੀ ਫਲਾਇਡ ਨਾਮੀਂ ਅੋਰਤ ਨੂੰ ਬਰਗਰ ਦਾ ਰਿਫੰਡ ਭੇਜ ਦਿੱਤਾ।