ਚੀਨ ਨੇ ਅਮਰੀਕਾ ਵਿਚ ਫੌਜੀ ਠਿਕਾਣਿਆਂ ਨੇੜੇ ਖਰੀਦੀ ਜ਼ਮੀਨ

*19 ਫੌਜੀ ਠਿਕਾਣਿਆਂ 'ਤੇ ਜਿਨਪਿੰਗ ਦੀ ਨਜ਼ਰ

*ਐਫਬੀਆਈ ਨੇ ਇਸ ਨੂੰ ਗੰਭੀਰ ਖ਼ਤਰਾ ਦੱਸਿਆ

ਅੰਮ੍ਰਿਤਸਰ ਟਾਈਮਜ਼ ਬਿਊਰੋ

ਵਾਸ਼ਿੰਗਟਨ: ਚੀਨ ਅੱਜ ਵੀ ਅਮਰੀਕਾ ਲਈ ਸਭ ਤੋਂ ਵੱਡਾ ਚੈਲਿੰਜ ਬਣਿਆ ਹੋਇਆ ਹੈ। ਹੁਣ ਚੀਨ ਰਣਨੀਤਕ ਤੌਰ 'ਤੇ ਅਮਰੀਕਾ ਭਰ ਵਿੱਚ ਫੌਜੀ ਛਾਉਣੀਆਂ ਦੇ ਨੇੜੇ ਖੇਤੀਬਾੜੀ ਵਾਲੀ ਜ਼ਮੀਨ ਖਰੀਦ ਰਿਹਾ ਹੈ। ਇਸ ਕਾਰਨ ਸੰਭਾਵਿਤ ਜਾਸੂਸੀ ਅਤੇ ਘੁਸਪੈਠ ਰਾਹੀਂ ਰਾਸ਼ਟਰੀ ਸੁਰੱਖਿਆ ਵਿੱਚ ਉਲੰਘਣਾ ਦੀ ਸੰਭਾਵਨਾ ਵਧ ਗਈ ਹੈ। ਨਿਊਯਾਰਕ ਪੋਸਟ ਦੀ ਰਿਪੋਰਟ ਨੇ ਫਲੋਰੀਡਾ ਤੋਂ ਹਵਾਈ ਤੱਕ 19 ਟਿਕਾਣਿਆਂ ਦੀ ਪਛਾਣ ਕੀਤੀ ਹੈ ਜੋ ਚੀਨੀ ਸੰਸਥਾਵਾਂ ਦੁਆਰਾ ਖਰੀਦੀ ਗਈ ਜ਼ਮੀਨ ਦੇ ਨੇੜੇ ਹਨ। ਚੀਨ ਲਈ ਕੰਮ ਕਰਨ ਵਾਲੇ ਜਾਸੂਸ ਇਨ੍ਹਾਂ ਦੀ ਵਰਤੋਂ ਕਰ ਸਕਦੇ ਹਨ।

 ਇਹਨਾਂ ਟਿਕਾਣਿਆਂ ਵਿੱਚ ਕੁਝ ਸਭ ਤੋਂ ਰਣਨੀਤਕ ਤੌਰ 'ਤੇ ਮਹੱਤਵਪੂਰਨ ਬੇਸ ਵੀ ਸ਼ਾਮਲ ਹਨ। ਇਹਨਾਂ ਵਿੱਚ  ਉੱਤਰੀ ਕੈਰੋਲੀਨਾ ਦੇ ਫੈਏਟਵਿਲੇ ਵਿੱਚ ਫੋਰਟ ਲਿਬਰਟੀ, ਟੈਕਸਾਸ ਦੇ ਕਿਲੇਨ ਵਿਚ ਫੋਰਟ ਕੈਵਾਜ਼ੋਸ, ਕੈਲੀਫੋਰਨੀਆ ਦੇ ਸੈਨ ਡਿਏਗੋ ਵਿਚ ਮਰੀਨ ਕਾਰਪਸ ਬੇਸ ਕੈਂਪ ਪੈਂਡਲਟਨ ਅਤੇ  ਫਲੋਰੀਡਾ ਦੇ ਟਾਂਪਾ ਵਿਚ ਮੈਕਡਿਲ ਏਅਰ ਫੋਰਸ ਬੇਸ ਸ਼ਾਮਲ ਹਨ। ਅਮਰੀਕੀ ਹਵਾਈ ਸੈਨਾ ਦੇ ਸੇਵਾਮੁਕਤ ਬ੍ਰਿਗੇਡੀਅਰ ਜਨਰਲ ਰਾਬਰਟ ਐਸ. ਸਪੈਲਡਿੰਗ III ਨੇ ਕਿਹਾ ਕਿ ਰਣਨੀਤਕ ਸਥਾਨਾਂ ਦੀ ਨੇੜੇ ਇਹ ਘਟਨਾਵਾਂ ਚਿੰਤਾ ਦਾ ਵਿਸ਼ਾ ਹੈ। ਉਨ੍ਹਾਂ ਕਿਹਾ ਕਿ ਇਨ੍ਹਾਂ ਥਾਵਾਂ 'ਤੇ ਖੁਫੀਆ ਜਾਣਕਾਰੀ ਇਕੱਠੀ ਕਰਨ ਦੇ ਅੱਡੇ ਬਣਾਏ ਜਾ ਸਕਦੇ ਹਨ। ਇਸ ਦੇ ਮਾਲਕ ਸਥਾਨਕ ਰਾਜਨੀਤੀ ਨੂੰ ਵੀ ਪ੍ਰਭਾਵਿਤ ਕਰ ਸਕਦੇ ਹਨ।

ਚੀਨ ਕਰ ਚੁਕਾ ਹੈ  ਘੁਸਪੈਠ ਦੀ ਕੋਸ਼ਿਸ਼ 

ਉਸ ਨੇ ਅੱਗੇ ਕਿਹਾ, 'ਇਹ ਚਿੰਤਾਜਨਕ ਹੈ ਕਿ ਸਾਡੇ ਕੋਲ ਅਜਿਹੇ ਕਾਨੂੰਨ ਨਹੀਂ ਹਨ ਜੋ ਚੀਨੀਆਂ ਨੂੰ ਅਮਰੀਕਾ ਵਿਚ ਜਾਇਦਾਦ ਖਰੀਦਣ ਤੋਂ ਰੋਕਦੇ ਹਨ।' ਰਿਪੋਰਟ ਵਿਚ ਸੂਤਰਾਂ ਦੇ ਹਵਾਲੇ ਨਾਲ ਕਿਹਾ ਗਿਆ ਹੈ ਕਿ ਖੇਤੀ ਦੀ ਆੜ ਵਿਚ ਚੀਨੀ ਜ਼ਮੀਨ ਮਾਲਕ ਟਰੈਕਿੰਗ ਤਕਨੀਕ ਲਗਾ ਸਕਦੇ ਹਨ। ਉਹ ਟੀਚਿਆਂ ਨੂੰ ਦੇਖਣ ਲਈ ਰਾਡਾਰ ਅਤੇ ਇਨਫਰਾ-ਰੈੱਡ ਸਕੈਨਿੰਗ ਦੀ ਵਰਤੋਂ ਕਰ ਸਕਦਾ ਹੈ। ਜਾਂ ਉਹ ਮਿਲਟਰੀ ਸਾਈਟਾਂ ਦੀ ਨਿਗਰਾਨੀ ਕਰਨ ਲਈ ਡਰੋਨ ਉਡਾਉਣ ਦੀ ਕੋਸ਼ਿਸ਼ ਕਰ ਸਕਦਾ ਹੈ। ਸਤੰਬਰ 2023 ਵਿੱਚ ਵਾਲ ਸਟਰੀਟ ਜਰਨਲ ਵਿੱਚ ਇੱਕ ਰਿਪੋਰਟ ਵਿੱਚ ਦਸਿਆ ਗਿਆ ਕਿ ਚੀਨੀ ਘੁਸਪੈਠੀਆਂ ਨੇ ਹਾਲ ਹੀ ਦੇ ਸਾਲਾਂ ਵਿੱਚ 100 ਤੋਂ ਵੱਧ ਵਾਰ ਫੌਜੀ ਸਹੂਲਤਾਂ ਵਿੱਚ ਦਾਖਲ ਹੋਣ ਦੀ ਕੋਸ਼ਿਸ਼ ਕੀਤੀ ਸੀ।

ਚੀਨ ਨੂੰ ਲੈ ਕੇ ਦਿੱਤੀ ਚੇਤਾਵਨੀ

ਚੀਨ ਸਰਕਾਰ ਤੋਂ ਅਮਰੀਕਾ ਨੂੰ ਖ਼ਤਰਾ ਬਹੁਤ ਵੱਡਾ ਹੈ। ਐਫਬੀਆਈ ਨੇ ਇਸ ਨੂੰ ਗੰਭੀਰ ਖ਼ਤਰਾ ਦੱਸਿਆ ਹੈ। ਐਫਬੀਆਈ ਦੇ ਡਾਇਰੈਕਟਰ ਕ੍ਰਿਸਟੋਫਰ ਵੇਅ ਨੇ ਅਪ੍ਰੈਲ ਵਿੱਚ ਕਿਹਾ ਸੀ ਕਿ ਹੈਕਰਾਂ ਨੇ ਅਮਰੀਕਾ ਦੇ ਨਾਜ਼ੁਕ ਬੁਨਿਆਦੀ ਢਾਂਚੇ ਵਿੱਚ ਆਪਣਾ ਰਸਤਾ ਬਣਾ ਲਿਆ  ਹੈ। ਗ੍ਰਹਿ ਸੁਰੱਖਿਆ ਵਿਭਾਗ ਨੇ ਅਮਰੀਕਾ ਦੀ ਦੱਖਣੀ ਸਰਹੱਦ 'ਤੇ ਚੀਨੀ ਜਾਸੂਸਾਂ ਦੇ ਲੁਕੇ ਹੋਣ ਦੇ ਖਤਰੇ ਦੀ ਚਿਤਾਵਨੀ ਦਿੱਤੀ ਹੈ। ਮੋਰਗਨ ਲਾਰੇਟ, ਪ੍ਰਾਈਵੇਟ ਮਿਲਟਰੀ ਕੰਟਰੈਕਟਰ ਬਲੈਕਵਾਟਰ ਦਾ ਸਾਬਕਾ ਠੇਕੇਦਾਰ, ਖ਼ਤਰੇ ਦੀ ਚੇਤਾਵਨੀ ਦਿੰਦਾ ਹੈ। ਉਨ੍ਹਾਂ ਕਿਹਾ, 'ਚੀਨ ਇਸ ਜ਼ਮੀਨ ਦੀ ਵਰਤੋਂ ਅਮਰੀਕਾ ਦੀ ਫੌਜੀ ਸਮਰੱਥਾ, ਆਵਾਜਾਈ, ਤਕਨੀਕ ਬਾਰੇ ਜਾਣਨ ਲਈ ਕਰੇਗਾ।