ਪੰਜਾਬ ਯੂਨੀਵਰਸਿਟੀ ਵਿਦਿਆਰਥੀ ਚੋਣਾਂ ‘ਚ ਐੱਸਐੱਫਐੱਸ ਛਾਈ, ਕਨੂਪ੍ਰਿਆ ਬਣੀ ਪਰਧਾਨ

0
126
Newly elected Panjab University students council President Kanupriya lifted by their supporters after their victory on Thursday. Tribune Photo  Pradeep Tewari
ਪ੍ਰਧਾਨ ਦੇ ਅਹੁਦੇ ‘ਤੇ ਜਿੱਤ ਦਰਜ ਕਰਨ ਵਾਲੀ ਕਨੂਪ੍ਰਿਆ ਨਤੀਜਿਆਂ ਦੇ ਐਲਾਨ ਮਗਰੋਂ ਜੇਤੂ ਨਿਸ਼ਾਨ ਬਣਾਉੁਂਦੀ ਹੋਈ।

ਚੰਡੀਗੜ੍ਹ/ਬਿਊਰੋ ਨਿਊਜ਼ :
ਪੰਜਾਬ ਯੂਨੀਵਰਸਿਟੀ ਚੰਡੀਗੜ੍ਹ ਦੀਆਂ ਵਿਦਿਆਰਥੀ ਚੋਣਾਂ ‘ਚ ਸਟੂਡੈਂਟਸ ਫਾਰ ਸੁਸਾਇਟੀ (ਐੱਸਐੱਫਐੱਸ) ਨੇ ਇਤਿਹਾਸ ਸਿਰਜਦਿਆਂ ਜਿੱਤ ਦਰਜ ਕੀਤੀ ਹੈ, ਜਦਕਿ ਭਾਜਪਾ ਪੱਖੀ ਏਬੀਵੀਪੀ ਦਾ ਸਫਾਇਆ ਹੋ ਗਿਆ ਹੈ। ਐੱਸਐੱਫਐੱਸ ਵੱਲੋਂ ਪ੍ਰਧਾਨਗੀ ਲਈ ਉਮੀਦਵਾਰ ਕਨੂਪ੍ਰਿਯਾ ਨੇ 2802 ਵੋਟਾਂ ਹਾਸਲ ਕੀਤੀਆਂ ਤੇ ਉਹ ਪੰਜਾਬ ਯੂਨੀਵਰਸਿਟੀ ਵਿਦਿਆਰਥੀ ਕੌਂਸਲ ਦੀ ਪਹਿਲੀ ਮਹਿਲਾ ਪ੍ਰਧਾਨ ਬਣ ਗਈ ਹੈ।
ਪ੍ਰਾਪਤ ਜਾਣਕਾਰੀ ਅਨੁਸਾਰ ਐੱਸਐੱਫਐੱਸ ਦੀ ਕਨੂਪ੍ਰਿਯਾ ਨੇ ਏਬੀਵੀਪੀ ਦੇ ਆਸ਼ੀਸ਼ ਰਾਣਾ (2083) ਨੂੰ 719 ਵੋਟਾਂ ਦੇ ਫਰਕ ਨਾਲ ਹਰਾਇਆ। ਬਾਕੀ ਦੇ ਦੋ ਅਹੁਦਿਆਂ ‘ਤੇ ਸੋਈ ਗੱਠਜੋੜ ਦੇ ਸਹਿਯੋਗੀ ਅਤੇ ਇੱਕ ‘ਤੇ ਐੱਨਐੱਸਯੂਆਈ ਦਾ ਉਮੀਦਵਾਰ ਜੇਤੂ ਰਿਹਾ। ਮੀਤ ਪ੍ਰਧਾਨ ਦੇ ਅਹੁਦੇ ‘ਤੇ ਸੋਈ ਗੱਠਜੋੜ ਦੀ ਸਹਿਯੋਗੀ ਪਾਰਟੀ ਆਈਏਐੱਸ ਦਾ ਦਲੇਰ ਸਿੰਘ (3155) ਜਿੱਤਿਆ ਜਦਕਿ ਸਕੱਤਰ ਦੀ ਚੋਣ ਸੋਈ ਦੀ ਹੀ ਸਹਿਯੋਗੀ ਪਾਰਟੀ ਇਨਸੋ ਦੇ ਅਮਰਿੰਦਰ ਸਿੰਘ (2742) ਨੇ ਜਿੱਤੀ। ਜਨਰਲ ਸਕੱਤਰ ਦਾ ਅਹੁਦਾ ਪਿੱਛਲੇ ਸਾਲ ਸੱਤਾ ‘ਚ ਰਹੀ ਐੱਨਐੱਸਯੂਆਈ ਦੇ ਹਿੱਸੇ ਆਇਆ ਤੇ ਵਿਪੁਲ ਅੱਤਰੇ ਨੇ 2357 ਵੋਟਾਂ ਨਾਲ ਜਿੱਤ ਦਰਜ ਕੀਤੀ।