ਬੰਗਲਾਦੇਸ਼ ਦੇ ਜਹਾਜ਼ ਨੂੰ ਹਾਦਸੇ ‘ਚ 50 ਮੌਤਾਂ

0
198
This picture obtained from the Twitter account of Saroj Basnet shows Nepali rescue workers gathering around the debris of an airplane that crashed near the international airport in Kathmandu on March 12, 2018. Victims' bodies have been recovered from the wreckage of a Bangladeshi plane that crashed in Kathmandu on March 12, 2018, an official said. "We just pulled out dead bodies and injured from the debris," government spokesman Narayan Prasad Duwadi told AFP. Another official told AFP that so far 20 injured had been taken to hospital. / AFP PHOTO / SAROJ BASNET / Saroj BASNET / RESTRICTED TO EDITORIAL USE – MANDATORY CREDIT « AFP PHOTO / SAROJ BASNET / @IsarojB » - NO MARKETING NO ADVERTISING CAMPAIGNS – DISTRIBUTED AS A SERVICE TO CLIENTS- NO ARCHIVE
ਕਾਠਮੰਡੂ ‘ਚ ਜਹਾਜ਼ ਹਾਦਸੇ ਵਾਲੀ ਥਾਂ ਰਾਹਤ ਕਾਮਿਆਂ ਵੱਲੋਂ ਵਿੱਢੇ ਬਚਾਉ ਕਾਰਜਾਂ ਦੀ ਝਲਕ।

ਕਾਠਮੰਡੂ/ਬਿਊਰੋ ਨਿਊਜ਼:
ਨੇਪਾਲ ਦੇ ਤ੍ਰਿਭੁਵਨ ਕੌਮਾਂਤਰੀ ਹਵਾਈ ਅੱਡੇ ‘ਤੇ ਅਮਰੀਕੀ-ਬੰਗਲਾ ਏਅਰਲਾਈਨਜ਼ ਦਾ ਜਹਾਜ਼ ਹਾਦਸਾਗ੍ਰਸਤ ਹੋਣ ਅਤੇ ਅੱਗ ਲੱਗਣ ਕਰਕੇ 50 ਵਿਅਕਤੀ ਹਲਾਕ ਹੋ ਗਏ। ਬੰਬਾਰਡੀਅਰ ਡੈਸ਼ 8 ਕਿਊ400 ‘ਚ 67 ਮੁਸਾਫ਼ਰ ਅਤੇ ਅਮਲੇ ਦੇ 4 ਮੈਂਬਰ ਸਵਾਰ ਸਨ। ਜਹਾਜ਼ ਦਾ ਰਨਵੇਅ ‘ਤੇ ਉਤਰਨ ਸਮੇਂ ਸੰਤੁਲਨ ਵਿਗੜ ਗਿਆ ਅਤੇ ਇਹ ਹਵਾਈ ਅੱਡੇ ਨੇੜੇ ਫੁੱਟਬਾਲ ਮੈਦਾਨ ‘ਚ ਜਾ ਕੇ ਕਰੈਸ਼ ਹੋ ਗਿਆ ਅਤੇ ਅੱਗ ਲੱਗ ਗਈ। ਹਵਾਈ ਅੱਡੇ ਦੇ ਜਨਰਲ ਮੈਨੇਜਰ ਰਾਜ ਕੁਮਾਰ ਛੇਤਰੀ ਨੇ ਦੱਸਿਆ ਕਿ 50 ਵਿਅਕਤੀਆਂ ਦੇ ਮਰਨ ਦਾ ਖ਼ਦਸ਼ਾ ਹੈ। ਉਨ੍ਹਾਂ ਕਿਹਾ ਕਿ 20 ਜ਼ਖ਼ਮੀਆਂ ਨੂੰ ਕਾਠਮੰਡੂ ਦੇ ਮੈਡੀਕਲ ਕਾਲਜ ‘ਚ ਦਾਖ਼ਲ ਕਰਵਾਇਆ ਗਿਆ ਜਿਸ ‘ਚੋਂ ਸੱਤ ਨੂੰ ਮ੍ਰਿਤਕ ਐਲਾਨ ਦਿੱਤਾ ਗਿਆ। ਉਡਾਣ ਯੂਬੀਜੀ 211 ਢਾਕਾ (ਬੰਗਲਾਦੇਸ਼) ਤੋਂ ਕਾਠਮੰਡੂ ਆ ਰਹੀ ਸੀ। ਫੁੱਟਬਾਲ ਮੈਦਾਨ ‘ਚੋਂ ਕਾਲੇ ਧੂੰਏਂ ਦੇ ਉਠਦੇ ਗੁਬਾਰ ਨੂੰ ਦੇਖਿਆ ਜਾ ਸਕਦਾ ਸੀ। ਅਧਿਕਾਰੀਆਂ ਨੇ ਕਿਹਾ ਕਿ ਹਾਦਸਾ ਤਕਨੀਕੀ ਗੜਬੜੀ ਕਰਕੇ ਹੋਇਆ ਜਾਪਦਾ ਹੈ। ਨੇਪਾਲ ਦੇ ਸ਼ਹਿਰੀ ਹਵਾਬਾਜ਼ੀ ਅਥਾਰਿਟੀ ਦੇ ਡਾਇਰੈਕਟਰ ਜਨਰਲ ਸੰਜੀਵ ਗੌਤਮ ਨੇ ਦੱਸਿਆ ਕਿ ਜਹਾਜ਼ ਨੇ ਰਨਵੇਅ ਦੇ ਦੱਖਣੀ ਪਾਸੇ ਵੱਲੋਂ ਉਤਰਨਾ ਸੀ ਪਰ ਇਹ ਉੱਤਰੀ ਪਾਸੇ ਵੱਲੋਂ ਦੀ ਆਇਆ। ਉਨ੍ਹਾਂ ਕਿਹਾ ਕਿ ਰਨਵੇਅ ‘ਤੇ ਉਤਰਨ ਦੀ ਕੋਸ਼ਿਸ਼ ਦੌਰਾਨ ਜਹਾਜ਼ ਬੇਕਾਬੂ ਹੋ ਗਿਆ ਸੀ। ਰਾਸਵਿਤਾ ਇੰਟਰਨੈਸ਼ਨਲ ਟਰੈਵਲਜ਼ ਐਂਡ ਟੂਰਿਜ਼ਮ ਦੇ ਮੁਲਾਜ਼ਮ ਬਸੰਤ ਨੇ ਕਿਹਾ ਕਿ ਢਾਕਾ ਤੋਂ ਜਹਾਜ਼ ਬਿਲਕੁਲ ਠੀਕ-ਠਾਕ ਉਡਿਆ ਸੀ ਪਰ ਕਾਠਮੰਡੂ ‘ਚ ਉਤਰਨ ਸਮੇਂ ਇਹ ਡਗਮਗਾਉਣ ਲੱਗ ਪਿਆ। ਉਸ ਨੇ ਦੱਸਿਆ ਕਿ ਜਹਾਜ਼ ‘ਚ ਵੱਖ ਵੱਖ ਟਰੈਵਲ ਏਜੰਸੀਆਂ ਦੇ 16 ਨੇਪਾਲੀ ਸਵਾਰ ਸਨ ਜੋ ਸਿਖਲਾਈ ਲੈਣ ਲਈ ਬੰਗਲਾਦੇਸ਼ ਗਏ ਸਨ। ਉਸ ਨੇ ਕਿਹਾ ਕਿ ਉਹ ਤਾਕੀ ਦੇ ਕੋਲ ਬੈਠਾ ਹੋਇਆ ਸੀ ਅਤੇ ਉਸ ਨੂੰ ਤੋੜ ਕੇ ਉਹ ਨਿਕਲਣ ‘ਚ ਕਾਮਯਾਬ ਰਿਹਾ। ਉਸ ਦੀਆਂ ਲੱਤਾਂ ਅਤੇ ਸਿਰ ‘ਚ ਸੱਟਾਂ ਲੱਗੀਆਂ ਹਨ।