‘ਦ ਬਲੈਕ ਪ੍ਰਿੰਸ’ ਦਾ ਸੱਚ

0
82

the-black-prince-759
ਸਿੱਖ ਰਾਜ ਦੇ ਆਖ਼ਰੀ ਮਹਾਰਾਜਾ ਦਲੀਪ ਸਿੰਘ ਦੇ ਜੀਵਨ ਉੱਤੇ ਆਧਾਰਿਤ ਹਾਲੀਵੁੱਡ ਦੀ ਫਿਲਮ ਨੇ ਸਿਰਫ਼ ਸਿੱਖ ਜਗਤ ਵਿੱਚ ਹੀ ਨਹੀਂ ਬਲਕਿ ਹੋਰਨਾਂ ਹਲਕਿਆਂ ਖ਼ਾਸ ਕਰ ਬੁਧੀਜੀਵੀਆਂ ਤੇ ਇਤਿਹਾਸ ਦੇ ਵਿਦਿਆਰਥੀਆਂ ਵਿੱਚ ਵਿੱਚ ਡੂੰਘੀ ਉਤਸੁਕਤਾ ਪੈਦਾ ਕੀਤੀ ਹੈ। ਇਸ ਫਿਲਮ ਨੂੰ ਵੇਖਣ ਬਾਅਦ ਸਿੱਖਾਂ ਦੀ ਨੌਜਵਾਨ ਪੀੜ੍ਹੀ ਦੀ ਅਪਣੇ ਵਿਰਸੇ ਬਾਰੇ ਜਾਨਣ ਅਤੇ ਉਸ ਨਾਲ ਜੁੜਣ ਦੀ ਤਾਂਘ ਵਧੀ ਹੈ। ਦੂਜੇ ਕੁਝ ਇਤਿਹਾਸਕਾਰ ਕਹਾਉਂਦੇ ਸਿੱਖ ਵਿਅਕਤੀਆਂ ਵਲੋਂ ਫਿਲਮ ਵਿੱਚ ਪੇਸ਼ ਕਹਾਣੀ ਤੇ ਤੱਥਾਂ ਦੀ ਪ੍ਰਮਾਣਿਕਤਾ ਬਾਰੇ ਤਰ੍ਹਾਂ ਤਰ੍ਹਾਂ ਦੇ ਸ਼ੰਕੇ ਤੇ ਨੁਕਤੇ ਉਠਾਏ ਗਏ ਹਨ । ਭਾਵੇਂ ਅਜਿਹੇ ਸ਼ੰਕੇ ਤੇ ਦੋਸ਼ ਬੇਬੁਨਿਆਦ ਹੋਣ ਕਾਰਨ ਅਜਿਹੇ ਵਿਚਾਰਾਂ ਨੂੰ ਬਹੁਤਾ ਹੁੰਗਾਰਾ ਨਹੀਂ ਮਿਲ ਰਿਹਾ, ਨਾ ਹੀ ਬਹੁਤਾ ਗੌਲੇ ਜਾ ਰਹੇ ਹਨ। ਪਰ ਫਿਲਮ ਦੇ ਐਗਜੀਕਿਉਟਿਵ ਨਿਰਮਾਤਾ ਜਸਜੀਤ ਸਿੰਘ ਨੇ ਇਸ ਸਬੰਧੀ ਹਰਜਿੰਦਰ ਸਿੰਘ ਦਿਲਗੀਰ ਵਲੋਂ ਲਾਏ ਗੰਭੀਰ ਦੋਸ਼ਾਂ ਦੇ ਬੜੇ ਸਹਿਜ ਅਤੇ ਸੰਵੇਦਨਸ਼ੀਲ ਢੰਗ ਨਾਲ ਜਿਹੜੇ ਜਵਾਬ ਦਿੱਤੇ ਹਨ ਉਹ ਫਿਲਮ ‘ਚ ਪੇਸ਼ ਸੱਚਾਈ ਅਤੇ ਫਿਲਮ ਬਣਾਣ ਦੇ ਮੰਤਵ ਪੱਖੋਂ ਬਹੁਤ ਅਹਿਮੀਅਤ ਰਖਦੇ ਹਨ। ਜਸਜੀਤ ਸਿੰਘ ਦੀ ਇਸ ਵੀਡੀਓ ਨੂੰ https://www.youtube.com/watch?v=8T7QMBfS0j4&feature=youtu.be ‘ਤੇ ਵੇਖਿਆ ਜਾ ਸਕਦਾ ਹੈ।