|
ਕੈਪਟਨ ਕੰਵਲਜੀਤ
ਸਿੰਘ ਨੂੰ ਪਹਿਲੀ ਬਰਸੀ ਮੌਕੇ ਸ਼ਰਧਾਂਜਲੀਆਂ ਭੇਟ ਕੀਤੀਆਂ
ਅੰਮ੍ਰਿਤਸਰ ਟਾਈਮਜ਼ ਬਿਊਰੋ
ਜ਼ੀਰਕਪੁਰ: ਪੰਜਾਬ ਦੇ ਸਾਬਕਾ ਵਿੱਤ
ਮੰਤਰੀ ਮਰਹੂਮ ਕੈਪਟਨ ਕੰਵਲਜੀਤ ਸਿੰਘ ਦੀ ਪਹਿਲੀ ਬਰਸੀ ਜ਼ੀਰਕਪੁਰ ਨੇੜੇ ਗੁਰਦੁਆਰਾ
ਸ਼੍ਰੀ ਨਾਭਾ ਸਾਹਿਬ ਵਿਖੇ ਬਹੁਤ ਹੀ ਭਾਵਨਾਤਮਕ ਮਾਹੌਲ ਵਿਚ ਮਨਾਈ ਗਈ। ਇਸ ਮੌਕੇ
ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਨੇ ਕਿਹਾ ਕਿ ਜਸਜੀਤ ਸਿੰਘ ਬੰਨੀ ਦੇ ਰੂਪ ਵਿਚ
ਕੈਪਟਨ ਕੰਵਲਜੀਤ ਸਿੰਘ ਦੀ ਰਾਜਨੀਤਕ ਜੋਤ ਨੂੰ ਜਗਦੇ ਰੱਖਣਾ ਹੀ ਕੈਪਟਨ ਸਾਹਿਬ ਨੂੰ
ਸੱਚੀ ਸ਼ਰਧਾਂਜਲੀ ਹੈ। ਉਨ੍ਹਾਂ ਕਿਹਾ ਕਿ ਉਹ ਜਸਜੀਤ ਸਿੰਘ ਬੰਨੀ `ਚ ਕੈਪਟਨ ਕੰਵਲਜੀਤ
ਸਿੰਘ ਦਾ ਅਕਸ ਦੇਖਦੇ ਹਨ ਅਤੇ ਉਹ ਇਹ ਵਿਸ਼ਵਾਸ ਦਿਵਾਉਣਾ ਚਾਹੁੰਦੇ ਹਨ ਕਿ ਚਾਹੇ
ਪੰਜਾਬ ਦੇ ਹੋਰ ਕਿਸੇ ਹਲਕੇ ਦਾ ਵਿਕਾਸ ਹੋਵੇ ਜਾਂ ਨਾ ਹੋਵੇ ਪਰ ਹਲਕਾ ਬਨੂੜ ਦਾ
ਵਿਕਾਸ ਕੈਪਟਨ ਸਾਹਿਬ ਦੇ ਸੁਪਨਿਆਂ ਅਨੁਸਾਰ ਜਾਰੀ ਰਹੇਗਾ। ਜਸਜੀਤ ਸਿੰਘ ਬੰਨੀ ਵੀ
ਆਪਣੇ ਪਿਤਾ ਵਾਂਗ ਮਿਹਨਤੀ ਅਤੇ ਇਮਾਨਦਾਰ ਹਨ, ਸਾਰਾ ਮੰਤਰੀ ਮੰਡਲ ਉਨ੍ਹਾਂ ਦੇ ਨਾਲ
ਹੈ।
ਉੱਪ ਮੁੱਖ ਮੰਤਰੀ
ਸੁਖਬੀਰ ਸਿੰਘ ਬਾਦਲ ਨੇ ਕਿਹਾ ਕਿ ਮਰਹੂਮ ਕੈਪਟਨ ਕੰਵਲਜੀਤ ਸਿੰਘ ਸਿਆਸਤ ਵਿੱਚ ਰਹਿ
ਕੇ ਵੀ ਬੇਦਾਗ ਸਨ। ਕੈਪਟਨ ਕੰਵਲਜੀਤ ਸਿੰਘ ਬਹੁਤ ਹੇਠਲੇ ਪੱਧਰ ਤੋਂ ਉੱਠ ਕੇ ਇਸ
ਮੁਕਾਮ ਤੱਕ ਪਹੁੰਚੇ ਸਨ, ਇਸ ਲਈ ਉਹ ਆਮ ਲੋਕਾਂ ਨਾਲ ਜੁੜੇ ਹੋਏ ਸਨ। ਇਸ ਤੋਂ ਪਹਿਲਾਂ
ਜਸਜੀਤ ਸਿੰਘ ਬੰਨੀ ਨੇ ਸੰਗਤਾਂ ਦਾ ਧੰਨਵਾਦ ਕੀਤਾ। ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ
ਬੀਬੀ ਸਰਬਜੀਤ ਕੌਰ, ਮਨਪ੍ਰੀਤ ਕੌਰ ਡੌਲੀ, ਦਵਿੰਦਰਜੀਤ ਸਿੰਘ ਢਿੱਲੋ, ਰਣਜੀਤ ਸਿੰਘ
ਬ੍ਰਹਮਪੁਰਾ ਪੰਚਾਇਤ ਮੰਤਰੀ, ਹੀਰਾ ਸਿੰਘ ਗਾਬੜੀਆ ਜੇਲ ਮੰਤਰੀ, ਰਾਜ ਕੁਮਾਰ ਖੁਰਾਣਾ
ਸੰਸਦੀ ਸਕੱਤਰ, ਪ੍ਰੋ: ਪ੍ਰੇਮ ਸਿੰਘ ਚੰਦੂਮਾਜਰਾ, ਪ੍ਰੋ. ਕ੍ਰਿਪਾਲ ਸਿੰਘ ਬਡੂੰਗਰ
ਸਾਬਕਾ ਪ੍ਰਧਾਨ ਸ਼੍ਰੋਮਣੀ ਕਮੇਟੀ, ਗੋਬਿੰਦ ਸਿੰਘ ਕਾਂਝਲਾ ਸਾਬਕਾ ਮੰਤਰੀ, ਉਜਾਗਰ
ਸਿੰਘ ਬਡਾਲੀ ਵਿਧਾਇਕ, ਦੀਪਇੰਦਰ ਸਿੰਘ ਢਿੱਲੋ, ਸੁਰਜੀਤ ਸਿੰਘ ਰੱਖੜਾ, ਅਜਮੇਰ ਸਿੰਘ
ਢਿੱਲੋ, ਸੁਖਦੇਵ ਸਿੰਘ ਢੀਂਡਸਾ, ਐਨਕੇ ਸ਼ਰਮਾ ਚੇਅਰਮੈਨ ਜ਼ਿਲ੍ਹਾ ਯੋਜਨਾ ਬੋਰਡ, ਬੀਬੀ
ਸੀਲਮ ਸੋਹੀ ਮੈਂਬਰ ਐਸਐਸ ਬੋਰਡ ਪੰਜਾਬ, ਜਗਤਾਰ ਸਿੰਘ ਸੋਢੀ, ਨੌਨਿਹਾਲ ਸਿੰਘ ਸੋਢੀ,
ਪਰਮਜੀਤ ਕੌਰ ਸੋਢੀ ਕੌਂਸਲਰ, ਪ੍ਰੇਮ ਸਿੰਘ ਸੈਣੀ ਚੇਅਰਮੈਨ ਸਹਿਕਾਰੀ ਬੈਂਕ
ਚੰਡੀਗੜ੍ਹ, ਗੁਰਮੁੱਖ ਸਿੰਘ ਕੌਂਸਲਰ, ਹਰਪ੍ਰੀਤ ਸਿੰਘ ਕੌਂਸਲਰ, ਹਰਜੀਤ ਸਿੰਘ ਮਿੰਟਾ,
ਵਿਜੇ ਅਰੋੜਾ, ਜੌਰਾ ਸਿੰਘ ਗਿੱਲ, ਓਪੀ ਸਿੰਗਲਾ, ਗੁਰਕੀਰਤ ਥੂਹੀ, ਜਤਿੰਦਰ ਸਿੰਘ
ਕਾਠਗੜ, ਪਰਵਿੰਦਰ ਕੌਰ ਕੰਬੋਜ, ਹਰਦੀਪ ਸਿੰਘ ਤੋ ਇਲਾਵਾ ਵੱਡੀ ਗਿਣਤੀ ਵਿੱਚ ਸਥਾਨਕ
ਲੋਕ ਹਾਜ਼ਰ ਸਨ। ਸਮਾਗਮ ਵਿਚ ਸਟੇਜ ਸਕੱਤਰ ਦੀ ਭੂਮਿਕਾ ਡਾ. ਦਲਜੀਤ ਸਿੰਘ ਚੀਮਾ ਓਐਸਡੀ
ਮੁੱਖ ਮੰਤਰੀ ਨੇ ਨਿਭਾਈ।
3
ਮਾਰਚ
2010
|
